கிணற்றில் விழுந்து ஆசிரியை தற்கொலை!- திருமலையில் சம்பவம்

திருகோணமலை, விகார வீதியைச் சேர்ந்த ஆசிரியை ஒருவர் அயல்வீட்டுக் கிணற்றில் விழுந்து உயிரிழந்துள்ளதாக தெரிவிக்கப்படுகிறது.

திருகோணமலை அரசினர் தமிழ் மகாவித்தியாலயத்தைச் சேர்ந்த ஆனந்தேஸ்வரி (வயது 49) என்ற ஆசிரியையே இவ்வாறு உயிரிழந்துள்ளார்.
நேற்று முன்தினம் இவர் தனது வீட்டின் மதிலில் ஏறி அயல் வீட்டு கிணற்றில் விழுந்துள்ளதாக பொலிஸ் விசாரணையின்போது தெரிய வந்துள்ளதாக திருகோணமலை பொலிஸார் தெரிவித்துள்ளனர்.
கிணற்றில் விழுந்த ஆசிரியை திருகோணமலை பொது வைத்தியசாலையில் அனுமதிக்கப்பட்டதன் பின்னர் நேற்று உயிரிழந்துள்ளார்.
இச் சம்பவம் தொடர்பான மேலதிக விசாரணைகளை மேற்கொண்டுள்ளதாக திருகோணமலை பொலிஸார் தெரிவிக்கின்றனர்.