அவுஸ்திரேலியா நோக்கி பயணித்த 70 புகலிடக் கோரிக்கையாளர்கள் மாயம்!

இந்தோனேசியா வழியாக ஆஸ்திரேலியாவிற்குள் திருட்டுத்தனமாக குடியேற 70 பேர்கள் படகு மூலம் சென்றுள்ளனர். அவர்கள் சென்ற படகு கடந்த வெள்ளியன்று கிறுஸ்துமஸ் தீவிலிருந்து 65-வது கடல் மைலில் விபத்துக்குள்ளானது. அங்கு செத்து மிதந்த உடல்களை மறு நாள் மதியம் கண்காணிப்பு பணியில் ஈடுபட்ட விமானம் கண்டுபிடித்தது. இதையடுத்து 9 பேரின் உடல்கள் மட்டும் அங்கிருந்து வெளியே எடுக்கப்பட்டது. மேலும் 60க்கு மேற்பாட்டோர் இதில் மூழ்கி இறந்து இருக்க அஞ்சப்படுகிறது. அவர்களை தேடும் பணியும் தொடர்ந்து நடைபெற்று வருகிறது. தாமதமாக கண்டுபிடிக்கப்பட்டதற்கு அங்கு எதிர்ப்பும் கிளம்பியுள்ளது.